Aragón, Fomento y Aquitania marcan as accions a desembolicar pa la converchencia d’a linia Zaragoza-Canfranc-Pau

Primera reunión tecnica en o Ministerio pa analisar as accions y o calandario d'actuacions previstas pa os proximos meses.

0
557
visitas
O President d'Aragón asiste a la reunión d'o grupo de treballo cuatripartito pa la reobridura d'a linia d'o Canfranc
O President d'Aragón asiste a la reunión d'o grupo de treballo cuatripartito pa la reobridura d'a linia d'o Canfranc
- Publicidat -

O director Cheneral de Mobilidat d’o Gubierno d’Aragón, José Gascón s’ha reuniu hue en Madrit con responsables d’Aquitania, ADIF, SNCF y Ministerio de Fomento con motivo d’a primera reunión tecnica pa la reobridura d’a linia Zaragoza-Canfranc-Pau, que fa tant solament uns días recibió o refirmo de Bruselas, en dar luz verda a Unión Europea a la aduya de 7.505.000,00 euros pa os estudios pa la rehabilitación d’a citada linia.

José Gascón ha explicau que “ye a primera vegada que se plega tant luen y somos conscient que somos en l’antesala d’o que será a reobridura d’ista linia”. Gascón ha recordau que ye a primera vegada que se produz una reunión tecnica d’istas caracteristicas con a participación de todas as partes implicadas y ha abanzau que en a mesma s’han analisau as accions a desembolicar, asinas como o calandario d’actuacions previstas en os proximos meses.

O Director Cheneral ha destacau a maxima colaboración y sintonía entre os actors implicaus y ha indicau que o punto en o qual mas concreción i hai habiu ha estau en as accions a desembolicar pa os estudios de Converchencia que guarencien a interoperabilidat d’os traficos transfronterizos entre Espanya y Francia. A iste respecto Gascón ha explicau que “l’actividat Converchencia tiene como finalidat definir una base y uns obchectivos de treballos comuns pa asegurar a realización d’as obras que guarencien una explotación interoperable y sin interrupcions d’un cabo a unatro d’a linia reubierta entre Zaragoza-Canfranc-Pau, por o que ye o primer paso pa ixa reobridura”.

Si has trobau errors d’escritura u gramaticals, por favor notifica-nos-lo seleccionando o texto y pretando Ctrl+Enter.

- Publicidat -

DEIXAR UN COMENTARIO

Please enter your comment!
Please enter your name here