Catalunya ferá un referéndum legal, pero no será pa l’independencia

Batea, o lugar catalán que quiere estar aragonés, habría de cumplir con bells requisitos, como que l'articlo 141 d'a Constitución d'Espanya, l'articlo 10 d'o Estatuto d'Autonomía d'Aragón y o 17 de Catalunya.

0
177
visitas
Batea (Catalunya)
Batea (Catalunya)
- Publicidat -

Batea, o lugar catalán que quiere estar aragonés, habría de cumplir con bells requisitos, como que l’articlo 141 d’a Constitución d’Espanya, l’articlo 10 d’o Estatuto d’Autonomía d’Aragón y o 17 de Catalunya.

Entre istos requisitos, Batea habría de fer un referéndum entre os suyos habitants que habría d’estar autorizau por o gubierno espanyol.

Por qué Batea quiere estar d’Aragón?

Batea, entre Maella, Calaceit y Flix (Catalunya)
Batea, entre Maella, Calaceit y Flix (Catalunya)

L’alcalde ha explicau que “o libel de discriminación” por parte d’o Govern ent’o municipio ye “insostenible y intolerable dende fa anyos”, y ha ubierto a puerta a la celebración d’una consulta popular pa que os ciudadans d’o municipio decidan si se van a Aragón. Con tot, ha matizau que o gubierno municipal no ferá brenca de traza “unilateral” sin consultar a os suyos ciudadans.

Paladella, alcalde por o partiu local Unió Per a Terra Alta (UPTA) y exdiputau d’o PSC, ha explicau que entre os agravios que sufre o municipio por parte de la Generalitat figuran “a imposición de parques eolicos” u l’incomplimiento d’o convenio para a residencia de ancianos d’o lugar, sinyau con o Govern “dende fa siet anyos” y que implica ubrir 30 nuevas plazas concertadas en o lugar.

“As resolucions d’o Parlamento han de complir-se. No se puede discriminar de contino un lugar, sía por o motivo que sía”, ha afirmau l’alcalde. En iste sentiu, Paladella ha insinuau que podría haber “motivos politicos” en a discriminación, ya que o gubierno municipal no ye d’o mesmo partiu que o Govern.

L’alcalde ha explicau que ha pediu una reunión con a Subdelegación d’o Gubierno y unatra con o president de la Generalitat, Carles Puigdemont, para buscar “solucions”. Tamién ha asegurau que encara no han manteniu “garra contacto” con Aragón.

Si has trobau errors d’escritura u gramaticals, por favor notifica-nos-lo seleccionando o texto y pretando Ctrl+Enter.

- Publicidat -