A Guardia Civil actúa contra l’1-O

A Guardia Civil detiene a o numero dos de Junqueras y a atras 11 personas en una operación contra l'1-O.

0
15
visitas
Concentración en a Consellería de Economía per os rechistros d'a Guardia Civil
Concentración en a Consellería de Economía per os rechistros d'a Guardia Civil
- Publicidat -

Operativo d’a Guardia Civil pa impedir que se celebre o referéndum. Achents d’a Guardia Civil, por orden d’o chuez, rechistran iste mierques quantos departaments y organismos d’o Govern y dos siedes de interpresas privadas. Tamién han practicau un total de 12 detencions, en a suya mayoría altos cargos d’a Generalitat, por l’1-O. Son os primers arrestos por o referéndum.

Fuents policials han indicau que entre os doce detenidos figuran dos estreitos colaboradors de Oriol Junqueras en a Generalitat, o secretario cheneral de Vicepresidencia y Economía y Ficienda, Josep María Jové; y o secretario de Ficienda, Lluís Salvadó.

Os achents han dentrau a primera hora d’o maitín y son rechistrando as siedes d’Economía y Ficienda, Exteriors, Gubernación y Treballo, Afers Socials, asinas como entes dependients d’a Generalitat como l’Achencia Tributaria de Catalunya (ATC). Seguntas han informau fuents d’o Govern, os achents buscan documentación relacionada con o referéndum de l’1-O. Asinasmesmo, a Guardia Civil ha incautau papeletas pa votar l’1-O en una nave industrial de Biques i Riells (Barcelona)

A operación policial ha estau ordenada por o titular d’o chudgau d’instrucción 13 de Barcelona, Juan Antonio Ramírez Sunyer, que leva meses investigando baixo secreto de sumario os preparativos d’o referéndum a partir d’as polemicas declaracions d’o chuez y l’exsenador d’ERC, Santiago Vidal.

O chuez ha sorteau a investigación d’o referéndum que dende la semana pasada leva a cabo o Tribunal Superior de Chusticia de Catalunya al estar imputaus o president d’a Generalitat, Carles Puigdemont, y totz os consellers, que son aforaus ante o TSJC.

Fuents chudicials han mostrau a suya inquietut y o suyo malestar por a orden d’o chuez Ramírez Súnyer. Han recordau que a investigación d’o referéndum ya ye en mans d’o TSJC, un tribunal d’instancia superior a o de Ramírez Súnyer, y han considerau que, una vegada o TSJC prencipió a investigar o referéndum o chuez d’instrucción habría d’haber-se inhibiu a favor d’o alto tribunal catalán.

Bells minutos dimpués de prencipiar-se os rechistros, bellas decenas de personas, convocadas a traviés d’as retz socials per Òmnium Cultural y l’Assemblea Nacional Catalana, s’han concentrau frenta a la siede d’Economía. A concentración ha obligau a trancar a Gran Vía de Barcelona.

Os cargos detenius iste mierques treballan en cinco departaments. Se tracta de Joan Manel Gómez, responsable d’o voto electronico d’a consellería de Gobernación; Juan Manuel Gómez, cargo d’Economía; Xavier Puig Farré, d’Afers Socials; Josué Sallent y David Franco, d’o Centro de Telecomunicacions, dependient de Presidència; y David Palancad, d’Afers Exteriors.

I hai atros dos detenius que no son altos cargos encara que son relacionaus con a nave industrial de Bigues i Riells (Barcelona), an a Guardia Civil s’ha incautau de papeletas pa votar en o referéndum de l’1-O, informa l’achencia EFE. Amás d’as papeletas impresas con o “sí” y o “no”, os achents han interveniu numeroso material electoral pa l’1-O que encara no s’ha contabilizau.

En declaracions a Catalunya Radio, o vicepresident y conseller d’Economía, Oriol Junqueras, ha lamentau o rechistro policial en a siede d’o suyo departament, actuación q’ha tildau de “demostración d’estau policial”. “Entran en o Govern como en qualsiquier interpresa. Pueden intentar intervenir-lo tot, como os cartels”, ha afirmau Junqueras.

Dimpués d’os rechistros, o president d’a Generalitat, Carles Puigemont, ha convocau una reunión extraordinaria d’o Govern pa iste meyodía. O portavoz de l’Executivo, Jordi Turull, ha demandau calma a traviés d’o suyo perfil de Twitter, y ha reiterau o suyo compromiso con o procès. “Muita calma y serenidat ante iste estau policial y de sitio.Nuestro compromiso sigue intacto y con mas razons cada hora que pasa”.

 


Concentracions frente a las consecherías

As protestas ciudadanas s’han sucediu quasi inmediatament a l’inicio d’os rechistros en as siedes gubernamentals. A mas important es a que agrupa a decenas de personas frente a Economía, en o cruce entre a Rambla Catalunya y a Gran Vía, en o centro de Barcelona.

Os manifestants cantan ‘Els Segadors’ y levan clavels royos. Tamién s’han concentrau ciudadanos frente a la siede d’a consellería de Gubernación en a Via Laietana. A ista protesta s’han sumau treballadors d’o sindicato CCOO, cuya siede se troba a o costau d’a consellería.

Mas rechistros en organismos oficials.

A operación incluye tamién a dentrada en diversos organismos dependients d’a Generalitat, asinas como en interpresas tecnolochicas, como Indra y T-Systems, en o distrito [email protected] d’o Poblenou de Barcelona.

Entre os organismos d’a administración catalana entre os que tamién s’ha personau a Guardia Civil, se troban l’Achencia Tributaria Catalana (ATC), o Consorcio d’a Administración Ubierta y o Centro de Telecomunicacions y Tecnolochías d’a Información (CTTI)

Si has trobau errors d’escritura u gramaticals, por favor notifica-nos-lo seleccionando o texto y pretando Ctrl+Enter.

- Publicidat -