CHA qualifica de “desproporcionada” l’actuación d’a Policía en Madrit: “un miembro de Choventut s’enfrontina a una important sanción economica”

Concretament CHA denuncia que a un manifestant de Choventut "se le quitó una bandera d'Aragón" y agora s'enfrontina a una important sanción economica.

0
42
visitas
Imachen d'as identificacions policials (Chobentú)
Imachen d'as identificacions policials (Chobentú)
- Publicidat -

CHA quiere mostrar su emparo publicament a un companyero de Choventut que o diya 20 se manifestaba, solidaria e pacificament, en a puerta d’o Sol en Madrit, ta protestar contra as zagueras actuacions d’o Gubierno de Rajoy producidas iste zaguer miercols, ante os preparativos d’o referéndum de l’1 d’octubre.

A protesta ha estau convocada por partidos e plataformas como a coordinadora 25S e “madrilenyos por o dreito a decidir”. CHA considera desproporcionada y arbitraria l’actuación policial contra determinadas personas, en iste caso o miembro de Choventut, por o mero dreito de levar una bandera aragonesa, que agora, amás s’afrontina a una important sanción economica.

D’ista traza CHA creye que ye necesario, agora mas que nunca, esfender publicament, en as carreras y en as institucions, o dreito a la libertad d’expresión y a la manifestación pacifica sobre qualsiquier tema.

Finalment, dende CHA asperan que se rectifique ista linia politica imposada por o Gubierno de Rajoy y torna a fer un clamamento a o dialogo y a la politica con mayusculas ta lograr una solución a l’actual problema catalán y a todas as questions territorials.

Si has trobau errors d’escritura u gramaticals, por favor notifica-nos-lo seleccionando o texto y pretando Ctrl+Enter.

- Publicidat -

Leave a Reply

Notificar-me de
avatar
wpDiscuz