Una persona d’ultradreitas agrede a la Presidenta d’as Cortz d’Aragón

A celebración d'a Asemblea de parlamentarios y alcaldes que ye tenindo lugar en Zaragoza, s'ha visto empanyada por l'agresión que ha sufriu Violeta Barba, Presidenta d'as Cortz d'Aragón.

0
28
visitas
Asemblea de cargos publicos, per a libertat, a fraternidat y a solidaridat.
Asemblea de cargos publicos, per a libertat, a fraternidat y a solidaridat.
- Publicidat -

Con o transcurso de maitinada l’ambiente a las puertas d’o Pabellón Sieglo XXI de Zaragoza s’ha iu plenando de chent ultradreitista que no deixaban de fer chilos e insultos contra os representants democraticos astí reunius. As menazas contra os cargos publicos han iu puyando dica o punto de corear en numerosas ocasions “muerte a o separatista!”, asinas como atras consignas como “Viva Espanya” u “yo soi espanyol, espanyol”.

Ante a situación de tensión que o grupo d’espanyolistas yera chenerando en as puertas d’o pabellón deportiu y, seguntes explican dende a organización d’o evento, ante o temor por a suya integridat fisica que os representants democraticos d’a ciudadanía astí reunius prencipiaba a manifestar, quan han visto que a dotación policial astí destinada podría ser insuficient en caso d’amenistar contener a o grupo d’ultras, dende a organización d’o evento han preguntau a la Delegación d’o Gubierno d’o Estau en Aragón si ista dotación policial yera suficient, obtenindo una respuesta desconcertant: “No ye posible ninviar més efectius perque son totz en Catalunya”, seguntes explicaban a AraInfo dende a organización.

Pasando l’ecuador d’a asemblea, Violeta Barba, Presidenta d’as Cortz d’Aragón, ha saliu a la puerta d’o recinto, inte an ha estau aprofitau per uno d’os ultras ta arrochar-le con fuerza una botella d’augua que ha impactau sobre o peito d’a Presidenta. Violeta Barba ha confirmau a AraInfo que “si me golpeya uns centimetros més alto podría haber-me roto a nariz”. Manimenos Violeta Barba ha manteniu en tot inte o tono sereno que o suyo cargo imprime.

Si has trobau errors d’escritura u gramaticals, por favor notifica-nos-lo seleccionando o texto y pretando Ctrl+Enter.

- Publicidat -

Leave a Reply

Notificar-me de
avatar
wpDiscuz