Ten cambió o suyo logo o diya 1-O pa pedir a unidat d’Espanya

Raúl Berdonés, o president d'o grupo, firme esfensor d'a nación espanyola.

0
42
visitas
O cambio d'imachen de perfil de TEN
O cambio d'imachen de perfil de TEN
- Publicidat -

O pasau 1-O, o diya d’o referéndum catalán, a cadena de televisión TEN cambió a suya imachen en retz socials per una que amostraba un corazón con a bandera d’Espanya y de Catalunya.

A cadena, que nomás emite programas estranchers como “As Kardashian u X Factor”, quereba amostrar a suya preocupación per o referéndum d’independencia.

O Grupo Secuoya debía mas de 2 millons d’euros a Ficienda

O gubierno, en o zaguer concurso de licencias de televisión, adchudicó a licencia a Grupo Secuoya, que debeba mas de 2 millons d’euros a Ficienda como publicaron bells meyos de comunicación.

O grupo no tardó en publicar una nota de prensa en la que deciba que ixa información yera incorrecta y que nomás s’heba presentau una solicitut d’aplazamiento d’a deuda.

Mediapro, que tamién se presentó en o concurso de canals de televisión, denunció ante o Tribunal Supremo porque o grupo no yera cumplindo con as obligacions de Ficienda, que yera una d’as obligacions d’o concurso. O Tribunal Supremo denegó a petición decindo que Mediapro “no se troba lechitimada pa intervenir en o proceso”.

 

O president d’o Grupo Secuoya, firme esfensor d’a unidat d’Espanya

Raúl Berdonés, granadino, president d’o Grupo Secuoya, no ha negau mai o suyo refirme a la esfensa d’a unidat espanyola.

Tal y como se puede veyer en o suyo perfil de Twitter, Raúl Berdonés utiliza o suyo perfil en istos diyas pa esfender l’actuación policial y mesmo retuitear bulos como iste que ya s’han confirmau que ye falso:

 

Iste tuit sobre una sinyora que presuntament apareixeba con Otegui y que publicoron OkDiario y Periodista Dichital, etió retuiteada por Raúl Berdonés. Bells meyos de comunicación no tardoron en desmentir-lo.

 

“Diversos, integradors”. A seu de Grupo Secuoya luce 3 banderas espanyolas.

L’1 d’octubre, o president d’o grupo amostró o suyo argüello en haber colgau 3 banderas espanyolas pa esfender una nación “diversa, integradora, plural, de lei y unius”.

 

Si has trobau errors d’escritura u gramaticals, por favor notifica-nos-lo seleccionando o texto y pretando Ctrl+Enter.

- Publicidat -

Leave a Reply

Notificar-me de
avatar
wpDiscuz