L’amostranza de l’aragonés cumple 20 anyos y creixe un 80%

Creixe un 80% l'amostranza de l'aragonés.

0
66
visitas
Clases d'aragonés
Clases d'aragonés

L’amostranza de l’aragonés en os centros educativos d’a Comunidat cumple iste curso 20  anyos y lo fa con un importannt creiximiento de l’alumnau. As clases prencipioron en o curso 1997-98 en quatre localidatz (Chaca, Biescas, L’Ainsa y Benás) gracias a un convenio entre o Gubierno d’Aragón y os concellos. Alavez estioron 250 alumnos y 4 profesors.

En os siguients 18 cursos, o numero de profesors puyó t’a 8 (6 de Primaria y 2 de Secundaria), plegando a 615 alumnos. Dende o curso 2015-16 a l’actual, o numero de docents ha plegau t’a 20 (15 de Primaria y 5 de Secundaria) y os alumnos quasi s’han duplicau, plegando agora a 1.068. Isto fa un increment d’o 80% de l’alumnado respective a l’inicio d’a lechislatura (en o curso 2015-16 i heba 615 matriculaus).

Os profesors amostran a luenga aragonesa en bellas localidatz locals en os vals d’Ansó, Echo, Tena, Bielsa, Chistau y Benás, asinas como en os centros d’a Baixa Ribagorza. Mientres ista lechislatura l’aragonés ha plegau a localidatz an que dica agora no s’amostraba, como Ayerbe, Bolea, Lupinyén, Samianigo, Almudévar, Peralta d’Alcofea, Fonz-Estadilla y Graus. Manimenos, gracias a o convenio con a Universidat de Zaragoza, s’usa como luenga vehicular en Educación Infantil en puestos en que a comunidat educativa lo ha decidiu (Echo, Pandicosa y Val de Benás) con obcheto de colaborar en a conservación de cadaguna d’as variedatz locals.

Per atro costau, hue prencipia en o CIFE Ana Abarca de Bolea de Uesca l’inicio d’o XII Seminario de Profesors de Luenga Aragonesa, cuyos obchetos son contribuyir a la formación didactica y scientifica d’o profesorau de luenga aragonesa y creyar un espacio pa fer propuestas y compartir experiencias docents arredol de l’amostranza d’as luengas minoritarias y, sobre tot, de l’aragonés.

Si i has trobau errors d’escritura u gramaticals, por favor notifica-nos-lo seleccionando o texto y pretando Ctrl+Enter.