Naixe o “Foro pa l’Empoderamiento Social” baixo o lema “A plantar Fuerte!”

O Foro A plantar fuerte tiene l´obchetivo de “subrayar os problemas d´a chent, as agresions somos sufrindo y a gran desigualdat que bi ha en a sociedat”

0
42
visitas
Cartel d'o Foro
Cartel d'o Foro "A plantar fuerte"

Con a ideya de que en l’achenda publica se ye producindo una invisibilidad d’os problemas que realment afectan a las personas en o día a día “enlucernaus por atras razons, fundamentalment o debat territorial”, naixe o “Foro pa l’Empoderamiento Social”, con o lema “A plantar fuerte”.

O suyo obchetivo ye dar un paso adevant, y en parolas d’a organización, “subrayar os problemas d’a chent y trayer t’o frent d’o debat social y politico as agresions que somos sufrindo y a gran desigualdat que bi ha en a sociedat: de chenero, por edat, territorial y laboral”. Con iste obchetivo se han achuntau diferents organizacions sindicals, politicas, vecinals y socials (CCOO, FABZ,IU,MHUEL, Podemos y UAGA) que quieren dar as alternativas compartidas que desembolican dentro d’o suyo campo d’intervención social as diferents.

Asinas naixe iste foro que ha feito a primera chornada iste zaguer lunes 11 d’aviento en l’Aula Magna d’a Facultat de Filosofía y Letras de Zaragoza. En ista chornada, baixo o nombre “A do imos?”, se fació una anvista d’a situación social y economica que trascruza a chent d’o Estau espanyol, o colapso d’o modelo actual, abordando ista situación dende l’ambito economico, o ecofeminismo, a precariedat laboral y a sobiranía alimentaria “con a finalidat d’explorar alternativas que faigan vez a la mayoría social”, han asegurau dende o Foro.

En ista chornada de treballo participoron Yayo Herrero, expierta en ecofeminismo y desembolique sostenible, Eduardo Navarro, expierto en territorio, mundo rural y sobiranía alimentaria, Bruno Estrada, expierto en economía y treballo y miembro de “Economistas frente a la Crisis”.

Si i has trobau errors d’escritura u gramaticals, por favor notifica-nos-lo seleccionando o texto y pretando Ctrl+Enter.