L’uso u refirme d’as luengas d’Aragón contarán pa otorgar o sello RSA

Pa 2018, s'incorpora a modalidat PLUS (RSA+) en a quala se contemplan aspectos culturals; entre ells, a posibilidat d'obtener ixe sello RSA+ dando presencia en as actividatz d'interpresas, profesionals y ONGs, a l'aragonés y a o catalán d'Aragón.

0
40
visitas
Os sellos RSA

En 2015, o Gubierno d’Aragón, conchuntament con CREA, Cepyme Aragón, UGT y CCOO creyaron o Plan de Responsabilidat Social d’Aragón con l’obchectivo de que, as interpresas, profesionals autonomos y ONGs d’Aragón fortaleciesen o suyo compromiso con a Resposabilidat Social. Isto s’aconsigue gracias a o suyo enfoque estratechico sobre as politicas, productos, servicios y accions que cheneran un impacto social mas sostenible y relevant.

A partir d’o suyo enchegue, o sello RSA ha suposau beneficios pa todas as partes:

  • Contribuye a amillorar a sociedat con a que se relaciona: meyo ambient, amostranza, salut, empleabilidat…
  • Amillora a imachen y reputación de qui l’obtiene
  • Da valor ante os mesmos empleaus, amillora a productividat y a retención de talento.
  • Ofreix un mayor potencial d’innovación: gana valor debant d’a sociedat a la quala ofreix os suyos productos u servicios (comunidat local, nacional u internacional)
  • Proporciona mayor leyaltat d’o consumidor y posibilidat d’enamplar quota de mercau
  • Confiere mayor facilidat para complir con a normativa vichent
  • Contribuye positivament a un desembolique sostenible
  • Diferencia frent a la competencia y facilita l’ampliación d’a quota de mercau
  • Afavoreix a sostenibilidad d’o negocio a largo plazo

O sello RSA empecipia a estar considerau como que una avantalla a la hora de contratar servicios, tanto por parte de l’administración en os suyos concursos, como que d’as interpresas en as suyas ofiertas de negocio.

Dende a Dirección Cheneral de Politica Lingüistica se consideró, dende a suya creyación en 2015, que a normalización social d’as nuestras luengas propias pasaba tamién, y de traza estratechica, por o suyo uso en l’ambito economico. Iste uso sería beneficioso pa nuestras luengas, pa la economía d’interpresas y profesionals, pa las ONGs y pa la sociedat aragonesa en cheneral. Asinas, en mayo de 2016, s’organizó a Chornada de treballo: Interpresa, turismo y luenga aragonesa, en a quala s’incluyó una ponencia sobre a “Responsabilidat social empresarial y as luengas”.
Por ixo, se solicitó a l’Instituto Aragonés de Fomento (IAF), a encorporación d’as luengas propias d’Aragón (aragonés y catalán) como que un elemento mas para a obtención d’o sello RSA, o que estió aprebau o pasau 9 de noviembre en mesa formada por os achents socials y incluiu en o nuevo apartau “Promoción d’a cultura en Aragón”.
Por tanto, pa 2018, s’incorpora a modalidat PLUS (RSA+) en a quala se contemplan aspectos culturals; entre ells, a posibilidat d’obtener ixe sello RSA+ dando presencia en as actividatz d’interpresas, profesionals y ONGs, a l’aragonés y a o catalán d’Aragón.

Si i has trobau errors d’escritura u gramaticals, por favor notifica-nos-lo seleccionando o texto y pretando Ctrl+Enter.